خطاب أبو متعب..

أهلين ياحلوات..

تذكرون الخطاب اللي جهزتوه علشان يوصل لابو متعب أمده الله

بالصحة والعافية ..

اليوم أسولف مع وحدة زوجها ضابط بالحرس الخاص<< أظن كذا اسمهم وقالت لي..هاتو الخطاب يوصله

زوجي يدا بيد للملك حفظه الله..وحاولو يكون فيه أسماء كثيييير

اللي عندها الخطاب والا اذا بتجهزون خطاب ثاني..ونسجل أكبر عدد ممكن من الأسماء

وارسلوه لي أطبعه وأرسله لها..

بس ماأدري ..نكتب بس أسمائنا والا بعد السجل المدني ..؟؟

..

طيب كيف نرسل الاسماء

أسمائنا أرسلناها لديني الاسلام في ملتقى التربيه والتعليم

قرين اسمه (الحرس الملكي ) تصحيح معلومه فقط


لو بيفيدني رجل اختي(وهو النقيب ابو فيصل اللي قابل البنات ذاك اليوم !!) ما قعدت الى حد الان كذا لكن للأسف ماراح يفيدني


الله يرزقني واياكم من وااااااااااااااسع فضله

نجمة بحر وصلي الشكر الجزيل نيابة عن جميع البديلات لابو فيصل ع وقفته معنا لما تجمعنا من جد ما قصرررررر الله يجزاه خير كان تعامله في قمة الذوق والاحترام والرقي الله يخليله عياله ويوفقه وقوليله لا يقصر معنا المره الجايه لانا بالطريق هههههههههه ويطولون بالهم علينا لان بصراحه روحتنا لم تاتي بنتيجه فقط سكتنا بن سويلم ورحنا ع الفاضي فهالمره لا بن سويلم ولا التويجري ولا غيره باقين لحد ما نقابل الملك بنفسه

قرييييييييين

أنا و الله تعبت و انا اصارخ و اقول اكتبوا خطاااااااااب موحد

و ذاك اليوم بديت فيه .. يوم شفت البنات راااحوا للملك .. وماقالوا شي عن الخطاب ..مسسسسحته و قلت بكيفهم

اصلا كيف الملك بيتذكر الشكوى و تفاصيلها اذا ماصارت على ورق ..؟

يعني بيسجلها بالصوت مثلاً ..؟

اسألي ديني الاسلام عندها تقريبا 200 اسم مع السجل المدني الظاهر

و حاولي تكتبين خطاااااااااب .. لأنك ماشاءالله متمكنة بالكتابة خصوصا بعد ماقريت موضوعك في الملتقى

بس تكفييييييييييين لا تنسين الملغاة عقودهم

و اكتبي عن المفاضلة و الراتب و الحرمان من الغياب و خصم ايام الاجازات

يعني حاولي تخلين اللي يقرا الخطاب يصييييح هههههههههه


و شكرا حبيبتي

ابشري ..ياأم البطاطا..
<< ماأدري ليه أحس انك بلدياتي..احساس

بعدين تعااالي..قريتي موضوعي وما حطيتي لي نججججمه ..لييه..؟

بنات اللي ارسلو لديني الاسلام..خلاص موجود..

واللي ماأرسلت..ترسله لي على البريد

هنا



http://www.moudir.com/vb/showthread.php?t=318491

,,

أم البطاطا..ارسلي لي كلللل اللي ودك تقولينه..لأن ماعندي فكرة كافيه عن وضعكم
وأنا أعيد صياغتها..وأتفلسف حبتين

أخلي اللي يقراه يصيح..وحنا نضحك بالأخير إن شاءالله..يااارب

خوذي منها اللي تبين ، أدري إنهاا كثيييرة وماهي مرتبة
بس حبيت أساعدك ببعض الأفكار
وعاد أنتي ماشاء الله تبارك الله ادرى و اسلوبك يجنن

نبدأ بطريقة الاتصال
دقة وإلا رسالة وأنتي ارجعي دقي علينا
بدون احترام لخصوصية بعض الأوقات
(أجل داقين علي ١٢ إلا ربع بالليل!خييير)
المناهج المتأخرة
تراكم الامتحانات والاعمال المدرسية
٢-الغياب وما ادراك ما الغياب
حرمان من غياب حتى في أقسى الظروف
وجعل المفاضلة تعتمد اعتماد كلي ع الغياب
كأنهم يبغونا نتحدى أقدار الله
اكتبي معاناتك أنتي إنك اجهضتي واضطريتي للغياب وماتدرين يجدد عقدك وإلا لا
وخوذي قصص البديلات اللي مكتوبة في جريدة الرياض
وفي حال الغياب بكلا نوعيه(بعذر وبدون عذر) يتم الخصم من الراتب و التأخر في المفاضلة
حتى يوم المكرمة،اليوم الوطني،الغبار،الأمطار يتم الخصم
و قد تم الاستغناء عن بعض البديلات بسبب غياب اجبرن عليه
و لم يلتفتوا إلى خبراتهن ولا لمؤهلاتهن ولا حتى الأداء الوظيفي
وحرمن من التعاقد وقد يحرمن من مكرمة التثبيت بلا ذنب
ذنبها الوحيد هو أنها تغيبت بسبب ظرف طارئ (مرض ابنها-وفاة عزيز عليها-اجراء عملية جراحية....الخ)
٣-الراتب وطريقة صرفه+ بدل الغلاء وحرمان البديلة وصرفه للمعلمة المجازة وهي تتمتع بإجازة وعدم صرفه للبديلة و هي من تقوم بالعمل ولديها التزامات من حضانة اطفال و سيارةنقل ومسؤوليات ومستلزمات المدرسة
٤-العجز الفعلي واستغلال الوزارة الخاطئ لكلمة(بديلة)ليوهموا الناس بأن البديلة تغطي عجز مؤقت وليس دائم
فالبديلة قد تكون بدل معلمة متقاعدة
بدل معلمة حولت لعمل اداري
بدل معلمة متوفاة
قد يصل عدد البديلات في بعض المدارس إلى ٢٠ بديله وقد يتعداها
كيف ل٢٠ معلمة رسمية أن تأخذ اجازة في نفس الوقت وفي نفس المدرسة؟
٥-حجب الاحتياج السنوي الفعلي عن خريجات المدن وسد العجز بالتعاقد وهذا ما جعل اعداد الخريجات تتراكم بشكل كبير
فمنهم من تخرج في عام ١٤١٨ ولم تجد وظيفة رسمية إلى الآن
٦-تم أخذ اسماء البديلات من قوائم الخدمة المدنية بسبب أقدمية تخرجهن وخبراتهن التعليمية وكثرة نقاطهن

اشرااااقة
لا مب قصدي أنتي
قصدي البنات اللي راحوا للقصر
راحوا بدون مايكتبون خطاب
وقالوا لهم الرجال هناك إنهم لازم يكتبون خطاب وعاد كتبوه وهم هناك ، مدري وش محتوى الخطاب وهل شملوا الملغاة وإلا لا
ياحبي لك والله ماتقصرين ماشاءالله عليك،الله يحفظك
يوم اكتب لقرين النقاط ابيهم يعرفون حجم المعاناة ومايصير الخطاب جامد عشان يلامس احاسيسهم
وترى الجميع فاهم نظام البديلة غلط وأكبر دليل العضو اللي اسمه مبارك في الملتقى مستغرب من كثرة البديلات و توه الأخ يستوعب إن البديلة تغطي عجز فعلي

الى متى؟!! كتب:

نجمة بحر وصلي الشكر الجزيل نيابة عن جميع البديلات لابو فيصل ع وقفته معنا لما تجمعنا من جد ما قصرررررر الله يجزاه خير كان تعامله في قمة الذوق والاحترام والرقي الله يخليله عياله ويوفقه وقوليله لا يقصر معنا المره الجايه لانا بالطريق هههههههههه ويطولون بالهم علينا لان بصراحه روحتنا لم تاتي بنتيجه فقط سكتنا بن سويلم ورحنا ع الفاضي فهالمره لا بن سويلم ولا التويجري ولا غيره باقين لحد ما نقابل الملك بنفسه

غاليتي الى متى اعذريني من توصيل كلامك لهذا الشخص
واتمنى عزيزتي ان لاتغرك المظاهر البراقه ولو كان فعلا بيده شي كان مب اخته هو سنوات بالاهلي ثم بديله سنتين وبعدها انقبلت معيده باحد الجامعات

واسلوبه تسكيت فقط وساكتفي بهذا الكلام

حسبي الله عليهم وسطات معيدة مره وحدة