[b]يوم الأربعاء الموافق 9/ 10/1432هـ قمنا نحن بديلات الخرج بتعبئة استمارة رغبات معلمة بديلة وهذه الإستمارة تشتمل طبعا على مجموعة من الشرائح كل شريحة فيها مجموعة من المدارس والمطلوب ان نكتب رقم الشريحة فقط بدون ذكر اسم المدرسة التي ترغبين فيها يعني راح يوزعونا في مدارس المحافظة حسب الإحتياج وترفع هذه الإستمارة إلى قسم شؤون المعلمات .
ا الجدير بالذكر يا أخوات أن أغلب مدارس وبديلات المحافظة ما كان عندهم علم عن هذه ال‘ستمارة ولا كيفية تعبئتها ولا من وين ناخذها ...بالنسبة لمدرستي عرفنا بالموضوع عن طريق بديلة زميلتي من مدرسة ثانية اتصلت وعطتنا خبر وأن هذي الرغبات موجودة في ملف حركة النقل الداخلي للعام الماضي قلنا للمديرة والله يجزاها خير ساعدتنا وما قصرت ..والمصيبة الكبيرة أن آخر موعدلرفع الأستمارة هو 9/10 يعني في نفس اليوم اللي عرفنا فيه بالموضوع وتعبنا وحنا نتصل على شؤون المعلمات نبي نستفسر منهم وكالعادة مافيه أحد يرد..تعتقدون أن هذي حالة ينسكت عليها ؟؟؟طيب لوبلغونا من بدري وبلغوا باقي البديلات والمدارس وش كان بينقصهم ؟؟؟